Lo qvarto considero, que las leyes i exemplos que ponderè en favor de la parte contraria, tienen esta mesma salida, de que solo procedan, i se puedan praticar, quando ay total igualdad i similitud en la razon que se quiere dar comprehensiva de marido i muger. I lo q̃ que es mas, aun no van conformes los Dotores en la verdad i constancia de los dichos exemplos. Porque el de aquella Autentica, que manda dar la quarta parte de los bienes del marido à su muger pobre, son infinitos los q̃ que niegan q̃ que se pueda estender al marido, i Cuiacio dize, q̃ que esto es mas cierto despues de la Novela del Emperador Leō Leon , que lo declarò assi expressamente.