POST editum â me Variarum Resolutionum opus, Frater amantißime, cum aliquot eius capita relegissem, statim percepi, breuius
quâm fortaßis par erat, quorundam ueterum, & huius regni numismatum ualorem, nondum ab initio petita æstimationis ratione adnotasse. Iduerò tunc feci, ut operis instituto partim subseruirem, ac deinde, quod mihi satis fecisse uidebar, sí re ista obiter incidenti, testimonia Doctißimorum uirorum, & ex utroutroque iure Regio, ac Cæsareo loca quædam selegissem, ex quibus iudicarem, posse facilimê deprehendi, quibusnam rationibus, quæ illîc scripseram, in publicum edere constituerim. Verùm dum ipse diligentius rem istam
perpendissem, necessarium duxi, ueterum numismatum ualorem, eorundeḿeorundemque rationem,
quam cum his, quibus modo utimur, uel omninò parem, uel ferè similem habere possunt,
iuxta proprias uires explicare. Sic sanè ueteres æreos numos cum his æreis, qui modo
expenduntur, argenteos cum argenteis, aureos cum aureis conferre curaui: ac simul exquisiui, quamnam æstimationem ex huiusce ætatis numis, uetera huius regni numismata
habere poßint: his & de numorum publica mutatione, ac de crimine falsæ monetæ quædam adijciens, quæ ab operis instituto nec aliena sunt, nec lectori ob exactam breuitatem fastidio esse poterunt. Scio equidem tractatum istum maiorem diligentiam exigere,
quàm à me, homine tot negotijs impedito, adhiberi potuit, præterquam quod multorum
authorum, & ueterum Chronicorum lectione ob publicum munus, & huius Regij tribunalis magistratum priuatus, ea forsan prætermiserim, quæ hisce difficultatibus expediendis uiam omninò aperire potuissent. Feci tamen quod potui, libentißimè cuiuścuiusque
diligentioris censuram subiturus, quam in his, quæ hactenus edidimus, nusquam detrectauimus, nec in posterum detrectare censemus. Te interim egregie uir, exoratum uolumus, ut si ex lectione huius opusculi perceperis, id alicuius futurũfuturum esse utilitatis, Andrææ â Portonarijs nobili Salmanticensi Typographo, meo nomine statim tradas, quô
& tuo limatißimo iudicio, eiuśeiusque diligenti opera prælo traditum in publicum prodire
poßit. Vale. E Granata Idibus Aprilis. Anno 1556.
![p. [251]](https://facs.salamanca.school/iiif/image/W0006!C!W0006-C-0259/full/full/0/default.jpg){kind=link}