*
PRospero, felicique statui Societatis
Iesu, quæ viuis pietate & doctrinâ insignibus referta, vberes in Vinea Domini fructus
iugiter producit, pro Pastorali nostrâ solicitudine
consulere volentes
: audita desuper dilectorum
filiorum Presbyterorum, Regularium eiusdem Societatis ad præsens in Vrbe generaliter, pro
faciendâ noui Præpositi Generalis electione congregatorum sententia: motu proprio, & ex certâ scientiâ, & maturâ deliberatione nostris, deque Apostolicæ potestatis plenitudine, vt in posterum futuris temporibus Congregatio Generalis in prædictâ Societate singulo quoque nouennio computandâ semper à celebratione vltimæ Congregationis Generalis, haberi & celebrari omnino debeat. Ita quòd illius celebratio
nullo modo, nec ex quauis caussâ, siue per Præpositum Generalem pro tempore existentem, siue per quamcumque Congregationem particularem vel Generalem impediri, vel vltra nouennium huiusmodi differri, seu prorogari possit.
Præterea vt quotiescumque habebitur & celebrabitur Congregatio Generalis huiusmodi, toties
noui Assistentes, ab illis planè diuersi, qui præcedenti nouennio Assistentium huiusmodi muneribus functi fuerunt, eligi seu assumi, & deputari: ac demum vt omnes & singuli eiusdem Societatis Prouinciales, Visitatores, Præpositi, Rectores, Superiores locales, & alij Officiales iurisdictionem & Superioritatem habentes, quomodolibet nuncupati, exceptis Magistris Nouitiorum, in eorum respectiuè muneribus, Superioritatibus, Ministeriis, Administrationibus, &
Officiis prædictis, quomodocumque nuncupatis, per triennium tantùm durare debeant, eoque
elapso triennio, eo ipso vacent, & vacare censeantur, ipsique ad alia quæuis eiusdem Societatis munera, Superioritates, Ministeria, Administrationes, & Officia prædicta quomodolibet
nuncupata, etiam Vice-prouincialis, seu Vicepræpositi, vel Vice-rectoris, nullatenus eligi
seu assumi, vel deputari valeant, nisi per annum
cum dimidio saltem à fine dicti triennij computandum, à prædictis muneribus, Superioritatibus, Ministeriis, Administrationibus, & Officiis
prædictis cessauerint, tenore præsentium statuimus, mandamus, præcipimus, & ordinamus;
decernentes præmissa omnia & singula in perpetuum inuiolabiliter sub excommunicatione latæ
sententiæ, ac suspensionis à diuinis, priuationis
vocis actiuæ & passiuæ, ac officiorum quorumlibet, inhabilitatisque ad illa, & alia quæuis in
posterùm obtinenda, pœnis ipso facto absque aliâ declaratione, tam per mandantes, procurantes eligentes, & deputantes, quàm recipientes, &
exequentes, irremissibiliter incurrendis, obseruari debere: neque aduersus illa seu eorum aliquod, præsentemque nostram Constitutionem,
per Præpositum Generalem pro tempore existentem, aut quamcumque Congregationem,
etiam Generalem, vel quemlibet alium Superiorem & Officialem dictæ Societatis, aut Nostros,
& pro tempore existentes, Romani Pontificis
Sedisque Apostolicæ Nuncios, vel S. R. E. Cardinales etiam de Latere Legatos, & quosuis alios quacumque potestate fungentes, vnquam
dispensari, disponi, vel derogari posse; & quamcumque dispensationem, dispositionem, & derogationem, aduersus eadem præmissa, seu eorum aliquod præsentemque Constitutionem
per prædictos, seu ipsorum aliquem, pro tempore quomodolibet factam, siue concessam, nullam prorsus, ac nulliter, & subreptitiè, obre|
ptitieq́ue extortam fore, & esse ac censeri, &
haberi, neminique vllatenus suffragari debere
:
præsentesq́ue Litteras, de subreptionis, obreptionis, ac nullitatis vitio, vel intentionis nostræ, seu
quocumque alio quantumuis substantiali, & expressam mentionem requirente, defectu, aut ex
quocumque titulo, prætextu, caussâ, & occasione,
& Capite etiam in Corpore Iuris clauso, notari,
impugnari, redargui, rescindi, ad viam & terminos
Iuris reduci, vel aduersus illas restitutionis in
integrũintegrum, aperitionis oris, vel quoduis aliud Iuris, facti,
vel gratiæ remedium impetrari, vel etiam Motu
simili concesso
: quempiam in iudicio, vel extra
illud, vti minimè posse; sed easdem præsentes
semper & perpetuò validas, firmas, & efficaces
existere, & fore, suosq́ue plenarios effectus sortiri,
& obtinere: sicque, & non aliter in præmissis
per quoscumque iudices Ordinarios & Delegacos, etiam caussarum Palatij Apostolici Auditores, ac eiusdem S. R. E. Cardinales, etiam de Latere Legatos, & quosuis alios quacumque potestate fungentes, nunc & pro tempore existentes, sublatâ eis, & eorum cuilibet, quauis aliter
iudicandi & interpretandi facultate, & auctoritate, & iudicari, & definiri debere, ac irritum &
inane, si secùs super his à quocumque quauis
caussâ scienter, & ignoranter contigerit attentari. Non obstantibus quibuslibet Apostolicis,
& præsertim fel. recordat. Gregorij XIV. vna
quæ incipit
: Ecclesiæ Catholicæ sub Data 28.
Iunij, & alia quæ incipit
: exponi nobis Data 30.
Augusti 1591. Pontificatus sui anno primo.
Et Pauli V. Romanorum Pontificum prædecessorum nostrorum, quæ incipit. Quantùm Religio Societatis
Iesv de Anno 1606.
Pontificatus sui Anno 2. aliisq́ue in fauorem
dictæ Societatis, vel circa illam, seu eius regimen,
ac etiam in Vniuersalibus, Prouincialibusque,
& Synodalibus Conciliis, editis generalibus vel
specialibus Constitutionibus, & Ordinationibus,
& quatenus opus sit, Nostra, & Cancellariæ Apostolicæ Regulâ, de non tollendo iure quæsito:
nec non prædictæ Societatis, etiam iuramenta,
Confirmatione Apostolicâ, vel quauis firmitate
aliâ roboratis statutis, & consuetudinibus, priuilegiis quoque, Indultis, & Litteris Apostolicis,
eidem Societati, illiusq́ue superioribus & personis, ac locis quibuslibet, sub quibuscumque verborum tenoribus & formis, ac cum quibusuis
etiam derogatoriarum derogatoriis, aliisque efficacioribus, & insolitis clausulis, irritantibusque,
& aliis decretis in genere vel in specie, ac aliàs in
contrarium quomodolibet concessis, approbatis,
& innouatis. Quibus omnibus & singulis, etiamsi
pro sufficienti illorum derogatione de illis, eorumque totis, tenore, specifica, expressa, & indiuidua, ac de verbo ad verbum, non autem per
clausulas generales idem importantes, mentio,
seu quæuis alia expressio habenda, seu alia exquisita forma ad hoc seruanda foret, tenore huiusmodi acsi de verbo ad verbum, nihil penitus
omisso, & forma in illis tradita obseruata, exprimerentur, & insererentur, præsentibus pro
plenè & sufficienter expressis habentes, illis aliàs
in suo robore permansuris, ad præmissorum effectum specialiter & expressè derogamus, ceterisq́ue contrariis quibuscumque. Volumus autem vt præsentium, transumptis, etiam impressis,
manu alicuius Notarij subscriptis, & sigillo personæ alicuius in dignitate Ecclesiasticâ constitutæ
munitis, eadem prorsus fides in iudicio & extra
adhibeatur, quæ præsentibus ipsis adhiberetur, si
forent exhibitæ, vel ostensæ. Datum Romæ apud D. Petrum sub Annulo Piscationis,
die 1.
Ianuarij 1646. Pontificatus nostri Anno secundo.